قصيدة فى رثاء غزه

الصراخ من بعد بسمة

وفى قانونكم يبقى ايه

انا ضحكتى مرسومة رسمة

تقلبوها حزن ليه


انا رايح وهابقى شهيد

بدون ضجة ودون تنبيه

تعالى يا ابنى انا امك

ماشى بعيد سايبنى لييه

ما اقدر اعيش شريد يا امه

محاصريننى وانا اعمل اييه

اه ه ه ه

مالك يا ابنى بتصرخ ليه

رصاص الغدر يا امى

زهق روحى سفك دمى

بدون تنبيه

تعالى يا عيون قلبى

واقرى واسمعى قلبى بيصرخ اوعى يوم تنسيه

وقبل ما اموت هاوصيكى تلبى مين يناديكى

انا هارحل وهاديكى كتابى وياريت تقريه

انا لية فى غزة طير

ولية كمان كنيسة ودير

وجامعنا بلاش تنسيه

وليا صقر ومقيد

فى غزة روحى وفكيه

وليا حبيب هاسيبه خلاص اوعى تنسى تودعيه

وليا كلام نفسى اقوله

مكانى بكره يلا قوليه

قولى للظلم سيب ارضى

قوللى للغدر فين عرضى

وجسدى فى التراب واريه

وليا كتاب

فى صفحة فرح وصفحة عذاب

وصفحة عاملها للاحباب

اوعى تنسى تلملميه

هما فين العرب ياامى مش سامعين صراخنا ليه

يا صلاح الدين فينك راح زمنكم ليه

هما فين العرب يمكن نسونا ولا ايه

واوعى تنسى تزورى قبرى واللى ياجى بعد منى علميه

شدى حيله وفهميه

ان ارض القدس حرة

ان نار الحرب مرة

بس منها تشربيه